【女朋友Ｍ痛，除咗「飲啖暖水」，仲可以…】
「如果下世投胎畀你揀，你會做男定女？」有次女朋友問我。
「無所謂，你呢？」
「一定係男人！」
女朋友豆姐話，淨係每個月要忍受親戚來臨嘅痛苦，就等如每個月都落一次地獄咁痛苦。
「唓～妳有落過地獄咩？」我。
有啲玩笑，真係唔適合任何時候講…
當時女朋友正值Ｍ痛期，我連呼吸都有罪，更何況係開玩笑呢？
嗰一刻，女朋友把聲變左做驅魔人入面畀鬼上身嘅聲。
「咁你有冇試過Ｍ痛啊？！」豆姐。
「我、我、我試過踢波爆腳趾甲…」
我知！我知！我知！女人Ｍ痛好辛苦嘛，不過係女仔唔捱得啫。
但我作為男朋友，都有關心佢㗎！我有叫佢飲多啲暖水㗎！
正當我想認錯，一切已經太遲，豆姐一嘢搣落我胸口，痛到我尖叫。
「好痛啊？飲啖暖水啦！哈哈哈哈！」
我知道，豆姐已經痴左線…
呢幾日，我真真正正見識到咩叫地獄。
當豆姐半夜Ｍ痛到扎醒，佢會拍醒我，然後話：「訓唔著啊？飲啖暖水啦！」
食食吓飯又會大力拍落我背脊：「啃親啊？飲啖暖水啦！」
為左氹佢開心，我帶佢去食好嘢，再食甜品，點知佢就嗌晒最貴嘅嘢食，埋單時同我講：「肉赤啊？飲啖暖水啦！」
無錯，飲暖水真係解決唔到問題﹗從理性角度去唸，我決定要陪佢做樣野，大家都唔使再係地獄徘徊。
「不如我帶妳去睇醫生吖？」我。
「點啊？你而家覺得我痴左線啊？」豆姐。
「唔係咁嘅意思…我上網睇過，經痛係子宮內膜異位的其中一個症狀。10個女人就有1個中，我擔心妳有事啊。」
「我…我以為淨係識叫我飲暖水添。」豆姐。
「呢幾日我已經完全明白到，飲暖水解決唔到問題，為左我既性命…啊！唔係！係妳嘅健康著想！
嚟吖～呢個網頁可以做online測試，如果測試結果係有 risk ，再去指定婦科醫生專業評估進行檢查，可以有一次性嘅$500資助㗎！」
「但點解你會搵到呢個網頁嘅？」
「因為我有朋友個女朋友上網做呢個風險測試，發現有子宮內膜異位風險，即刻去咗睇醫生，好彩發現得早，唔需要做手術，食藥就已經可以控制病情，唔洗再個個月痛。
原來呢啲嘢…唔係淨係飲暖水或食止痛藥就得，愈遲發現愈難搞，唔去check下點知自己果種M痛係咪正常，有事早啲處理，無事咪當買個安心啫。」
最後，豆姐做左檢查，幸好無咩大礙，不過佢同我講：
「你咁關心我，我真係好開心啊，最近呢～我發現左一個可以止Ｍ痛既方法喇～」
「係咩？」
「就係虐待你！」
「……」
之前講嘅網上測試：http://bit.ly/2t7i4wP
Search